სიახლეები

❤️ „სკოლა ჰელიოსის“ IIIბ და IIIგ კლასის მოსწავლეები იმყოფებოდნენ ხელოვნების სასახლეში საგანმანათლებლო პროგრამაზე „საახალწლო ტრადიციები“. მოსწავლეები გაეცვნენ საქართველოს სხვადასხვა კუთხეში როგორ აღნიშნავდნენ ახალ წელს, რა ტრადიციები და წეს-ჩვეულებები ჰქონდათ ძველად. დასასრულს, ბავშვებმა ბუნებრივი მასალით დაამზადეს ორიგინალური თოვლის ბაბუები.❤️

❤️„სკოლა ჰელიოსის“ V და VI კლასის მოსწავლეები ეწვივნენ სიმონ ჯანაშიას სახელობის მუზეუმს. ბავშვებმა დაათვალიერეს ნეოლითისა და ბრინჯაოს ხანის არქეოლოგიური გათხრების შედეგად აღმოჩენილი ნივთები, ძვირფასი ქვისა და ლითონის ნაკეთობები. მოსწავლეები ასევე გაეცვნენ საქართველოს სხვადასხვა კუთხის მცხოვრებთა ტრადიციულ ჩაცმულობას, მეომართა აღკაზმულობას და საომარ იარაღებს.❤️

❤️ „სკოლა ჰელიოსის“ IX და X კლასის მოსწავლეები ეწვივნენ საქართველოს უზენაეს სასამართლოს და მის შენობაში არსებულ „მართლმსაჯულების მუზეუმს“. მოსწავლეებმა დაათვალიერეს სასამართლო დარბაზები, რომელთა შორის გამორჩეულია ისტორიული დარბაზი. ამ დარბაზში გაასამართლეს უდიდესი ქართველი მწერლისა და საზოგადო მოღვაწის ილია ჭავჭავაძის მკვლელობაში ბრალდებული პირი. ამ დარბაზშია გადაღებული კინოკადრები ქართული ფილმებიდან: „მონანიება“, „ჩაკლული სული“, „დათა თუთაშხია“, „მევლუდი“ და სხვა. მოსწავლეებმა იხილეს უძველესი ქართული სამართლის ძეგლთა ნიმუშები: ბექა-აღბუღას სამართლის წიგნი, ხელმწიფის კარის გარიგება და სხვ.❤️

❤️„სკოლა ჰელიოსის“ IIIა კლასის მოსწავლეებმა საგაკვეთილო თემა „ჩემი ფერმა“ წარმოადგინეს პრეზენტაციის სახით, ინგლისურ ენაზე🐷🐮🐴. შექმნეს ფერმის საინტერესო მაკეტები. ისაუბრეს ცხოველების და ფერმაში საქმიანობის შესახებ.❤️

❤️ „სკოლა ჰელიოსის“ VI კლასის მოსწავლეებმა ბუნებისმეტყველების სწავლების ფარგლებში ისწავლეს თუ როგორ ენაცვლება ერთმანეთს წელიწადის დროები. 🍂 🍂 მათ ცვლილებას იწვევს დედამიწის ბრუნვა მზის გარშემო. ეს ცვლილება მცენარეებში აისახება ფოთლების ფერის ცვლილებით. მოსწავლეებმა საცხოვრებელ გარემოში შეაგროვეს ფოთლები და გააკეთეს ჰერბარიუმები.❤️ 🍂 🍂

❤️„სკოლა ჰელიოსის“ IIIბ და IIIგ კლასის მოსწავლეები ეწვივნენ ნოდარ დუმბაძის სახელობის მოზარდ მაყურებელთა თეატრს 🎭 🎭 სპექტაკლზე „ჩიპოლინო“. ბავშვები ინტერესით უყურებდნენ სპექტაკლს და შთაბეჭდილებებით აღსავსენი დაბრუნდნენ სკოლაში.❤️

❤️ ,,სკოლა ჰელიოსის" უფროსკლასელებმა წარმოადგინეს პრეზენტაცია,რომელიც მიზნად ისახავდა საქართველოს სხვადასხვა კუთხის კულტურისა და ტრადიციის  გაცნობას.მოსწავლეებმა საინტერესოდ ისაუბრეს ჩვენი ქვეყნის ღირშესანიშნაობებზე.პრეზენტაციას თან ერთვოდა ამა თუ იმ კუთხისათვის დამახასიათებელი სიმღერები.❤️

❤️„სკოლა ჰელიოსში“ ჩატარდა მათემატიკური ვიქტორინა, რომელშიც მონაწილეობდა 6 გუნდი: გალაქტიკა, ჩემპიონები, მათემატიკოსები, გენიოსები, ტვინიკოსები და სხარტები. მოსწავლეები ერთმანეთს ეჯიბრებოდნენ ლოგიკური ამოცანების ამოხსნაში, იყო კაპიტნების კონკურსიც. გამოვლინდა გამარჯვებული გუნდი „სხარტები“.❤️

❤️ „სკოლა ჰელიოსის“ IV კლასის მოსწავლეები იყვნენ თბილისის მთავარ ბიბლიოთეკაში. პატარა მკითხველები გაეცვნენ საუკეთესო საბავშვო გამოცემებს. ინტერესით დაათვალიერეს ილუსტრირებული ზღაპრების, ლეგენდების, თხზულებების, მოთხრობების წიგნებით მდიდარი ბიბლიოთეკა 📖 📚 . მოისმინეს ინფორმაცია ბიბლიოთეკის ისტორიის და ფუნქციის შესახებ. თავად შეარჩიეს მათთვის საინტერესო წიგნები.❤️ 📖 📚 ❤️

❤️„სკოლა ჰელიოსის“ IIIა კლასი ნოდარ დუმბაძის მოზარდ მაყურებელთა თეატრში დაესწრო წარმოდგენას „ჩიპოლინო“. მოსწავლეები ემოციებით აღსავსენი დაბრუნდნენ სკოლაში და ემოციების გაზიარება საკლასო ოთახშიც გააგრძელეს.❤️

❤️ „სკოლა ჰელიოსის“ Iა, Iბ, და Iგ კლასის მოსწავლეები ეწვივნენ ხელოვნების სასახლეს. გიდის ხელმძღვანელობით მოსწავლეებმა დაათვალიერეს სასახლე, გაეცვნენ უძველეს ფერწერას, საკუთარი თვალით იხილეს მეფეთა და დედოფალთა უძველესი ძვირფასი შესამოსელი. ბავშვებმა მოისმინეს ქართული და უცხოური ანიმაციის წარმოშობის ისტორია. დასასრულს, პრაქტიკულად იმუშავეს, ფურცლებზე აღბეჭდეს ანიმაციის ცნობილი გმირები.❤️

❤️„სკოლა ჰელიოსის“ IIIა კლასის მოსწავლეები იყვნენ ზაქარია ფალიაშვილის სახლ-მუზეუმში საგანმანათლებლო პროგრამაზე „მოკლე ჩართვა“. მოსწავლეები აქტიურად ჩაერთვნენ პროგრამაში და შთაბეჭდილებებს სხვებსაც უზიარებდნენ.❤️

❤️ „სკოლა ჰელიოსის“ VII კლასის მოსწავლეებმა რეაქციების საშუალებით აღწერეს ფიზიკური და ქიმიური მოვლენები. პირველი რეაქციის დროს შაქარი დაწვეს, ხოლო მეორე რეაქციის დროს შაქარი შეურიეს წყალს და დააკვირდნენ რეაქციის მსვლელობას.❤️

❤️„სკოლა ჰელიოსის“ IIIბ კლასში ჩატარდა ღია გაკვეთილი მუსიკაში 🎶 🎼 . გაკვეთილის თემა იყო „მხიარული ნოტები“. მოსწავლეებმა მასწავლებელთან ერთად ისაუბრეს ნოტების შესახებ 🎵 . გაკვეთილის ბოლოს, ბავშვები შეეცადნენ საკუთარი ინტერპრეტაციით ახალი მელოდია შეექმნათ.❤️.

❤️„სკოლა ჰელიოსს“ ესტუმრა თოჯინების დასი სპექტაკლით „ნატვრის მზესუმზირა. პატარებს ძალიან მოეწონათ კეთილი თოჯინები და გულშემატკივრობდნენ მათ, მატყუარა მელაკუდაზე კი გაბრაზდნენ...ზღაპრის ბოლო კეთილია! ჩვენი პატარები ოვაციებით შეხვდნენ ზღაპრის ბედნიერ დასასრულს.❤️

❤️„სკოლა ჰელიოსის“ VI კლასის მოსწავლეები ეწვივნენ საქართველოს პარლამენტის ეროვნულ ბიბლიოთეკას📖📚. ქალბატონმა ნინო გედენიძემ დეტალურად გააცნო ბავშვებს ბიბლიოთეკის დაარსებამდე და დაარსების შემდეგ მისი ისტორია. ესაუბრა ბიბლიოთეკაში არსებული წიგნების შესახებ, როგორ შეძლებენ მოსწავლეები გახდნენ ბიბლიოთეკის მკითხველები. დასასრულს, მოსწავლეებს ჰქონდათ საშუალება ერთ-ერთი სამკითხველო დარბაზი   დაეთვალიერებინათ.❤️📚📖

❤️ „სკოლა ჰელიოსში“ ჩატარდა 📖 📚  წიგნისადმი მიძღვნილი ღონისძიება, რომელშიც მთელი სკოლა იყო ჩართული. თითოეულმა კლასმა წარმოადგინა საკუთარი მომზადებული ღონისძიება. შემდეგ მოეწყო ბავშვების მიერ გაკეთებული წიგნების გამოფენა. ღონისძიების დასასრულს მოსწავლეებმა სამახსოვროდ სკოლის ბიბლიოთეკას გადასცეს წიგნები.❤️ 📖 📚

❤️ „სკოლა ჰელიოსში“ ინფორმაციულ საკომუნიკაციო ტექნოლოგიების სწავლების ფარგლებში მე-6 კლასის მოსწავლეებმა მოამზადეს პრეზენტაცია და წარუდგინეს პირველი კლასის მოსწავლეებს თემაზე - წელიწადის დროები. პრეზენტაციის დასასრულს საინტერესო გამოცანები ჰქონდათ მომზადებული პატარებისთვის.❤️

❤️ „სკოლა ჰელიოსის“ IIIბ და IIIგ კლასის მოსწავლეები იმყოფებოდნენ გარდენიაში საგანმანათლებლო პროგრამაზე „მწვანე გაკვეთილი“. პროგრამის ფარგლებში მიიღეს ინფორმაცია ყვავილების მოვლის შესახებ. ასევე, მოხატეს ქოთნები და ჩარგეს ყვავილები🌷💐🌸🌼. დასასრულს, საჩუქრად მიიღეს საკუთარი დარგული ყვავილი. ❤️